OPEN CALL
Łužyca chowa we se wjele tšojenjow a my buźomy je skóńcnje wótekšyś!
Mysteriozne figury w Błotach, zgubjone pókłady we starych pódkopkach abo wšake fenomeny we zaguslowanych wjaskach ako njamóžoš rozměś. TRUE ŁUŽCA wobchada z tymi, wót generacijonow dalej dawanymi wulicowanjami, ako z kriminelnymi padami a pśepytujo je z forensiskimi metodami na měsće.
My cakamy na waše „kriminelne pady“!
> Tšojenja a legendy z wašych jsow a městow
> Mysteriozne městka, z wašeje gmejny, ako wót generacijonow gónje k dalšnym pšašanjam
> Tšojenja, ako njamóžoš rozkłasć a fenomeny z łužyskeje historije
> Wulicowanja wót serbskich póstawow a legendow
> Tšojenja z krajinow wokoło jamow, z gólkow a z rynkow starych městow
Gótuj sobu:
Pósćel nam twójo tšojenje, pśez mailku, zukowu powěsć abo z listom. Wulic nam, co sy ty słyšał, wót kogo a źo jo se to stało. Njemusyš žeden eksperta byś – rowno te tšojenja, ako se wulicuju pśi kuchninym bliźe, na pólach abo we knajpje su za nas złota gódne. Wósebnje wjaselimy se na tšojenja we dolnoserbskej rěcy.
